نسبة الجمال قلت

اكيد واضح جدا لينا كلنا دلوقت ان عدد الناس الجمال او الحلوين شكلا وروحا واخلاقا قل جدا

واحد يقولك دي حاجة فالمية موحشة البنات

واحد يقول التلوث

كلو صح والله

والدليل على كدا النجوم...يعني خد عندك دلوقت حلا شيحة ولا سعاد حسني مثلا...رشدي اباظة ولا احمد عز ...مرفت امين ولا ...لا الصراحة مرفت امين ملهاش مقارنة وملهاش حل...عيني عليك باردة يا حسين يا فهمي

حاجة تانية كمان تثبت ان التلوث البيئي ادى لتوحيش البنات مما ادى الى التلوث البصري..عندك مثلا بنات المحافظات..يا سيدي..فعلا كل بنتين تشوفهم لازم تلاقي واحدة حلوة

الصحة برضو يا جماعة بتفرق
انا الصراحة عندي محافظتين بفضلهم طبعا الشرقية والبحيرة

وتلاقي البنت من دول لو جت القاهرة شوية توحش والحبوب والفسافيس تملا وشها

يعني مالاخر التلوث والزحمة والقرف بيبان ع الوشوش

الحرمان العاطفي

المشكلة مش مشكلة شهوة او جوع جنسي فقط

المشكلة الحقيقية هي في الحرمان العاطفي
كل واحد او واحدة عاوز يحب ويتحب بس عشان مبدا الحب

ويسلام بقى لو ليك صاحب ولا صاحبة عايش قصة غرام ملتهبة .. اكيد هتحس ان قلبك فاضي او فيه فراغ في حياتك

انا شايف ان فراغ العاطفة مشكلة كبيرة جدا

بس برضوا ارجع وقول ان مبدأي فالحياة ..اتقل تتكيف .. يعني متستعجلش فقصة حب .. وفكر كويس انت بتحب بجد ولا بتختار احسن الموجود

اكيد مدام بتخش ع النت تبقى جربت الشات وتتعرف على بنات والتظبيط يا معلم وكدا ..

طب ايه هو هدفك؟؟

لو انت محترم ومش عاوز توسخ يبقى بتحلم انك تلاقي شريكة الحياة .. قمر اربعتاشر متدينة مؤدبة ومدخلتش عالنت فحياتها غير المرة اللي قابلتك فيها !!!

صح؟؟

كل المعاكسات فالشارع والتظبيط ع النت وانت بتكلم بنات ولا مبتكلمش والقضيا اللي بتشغل الشباب كبها دلوقت اساسها الحرمان العاطفي
دا مشكلة كبيرة نفسيا ومن تلك المشكلة هنطلق في البلوج دا نحو خطوة لاصلاح المجتمع المحروم

انا عاوز اتجوز

انا نفسي اتجوز واحدة حلوة وطيبة ومحترمة ومتدينة وبنت ناس ومرحة و...و....و

كلنا كدا

انا هتكلم بقى هنا على الشباب والبنات اللي عاوزة تتجوز

وهثبت ان الجواز هو اللي هيحل مشاكل المجتمع كلها