انا بفكر في تاجيل الجواز

الصراحة برضو الجواز بدري بياثر على مسيرة الواحد وشغله
اكيد شغلي وانا متجوز وسارح بالعيال هيكون اقل من شغلي وانا فاضي ومركز

يعني فرايي السن المناسب للجواز مثلا بتاع 27 سنة
يعني لسه فاضلي 6 سنين
مش مشكلة هيعدو زي ما ال21 عدو ان شاء الله
بس اكيد وانا مش متجوز وعندي 27 سنة هكون عملت حاجات احسن من ما مكون متجوز وعندي 27 سنة ..اكيد

الجواز مالاخر بيجيب ورا
وفيه احصائية اتعملت على ستات امريكا 50% قالو مش عاوزين نتجوز خالص عشان ننجح في وظيفتنا !!!!!
طب واحنا يا رجالة
طب دا هما عاوزين يخلفو عيال وبيبيهات
انا لما سمعت الاحصائية دي قلت هم عندهم مجتمع متفتح ع البحري
مش مشكلة لما متتجوزش خالص
بس الفكرة واحدة
ان الجواز بياثر سلبا على مسيرة حياة الفرد

محلاها عيشة العزوبية

اه انا عاوز اتجوز بس الواحد لازم يعتبر
دايما اسمع العازب يعيش ملكا ويموت كلبا
والمتزوج يعيش كلبا ويموت ملكا

المصيبة بقى فالمتجوز اللي هيعيش كلبا ويموت كلبا
ولا عياله يسالو فيه ومراتو ما تصدق استريحت منه

العازب اكيد بيعيش حياته فل ولوز
لكن ميزة الجواز انه مش بس اشباع للحاجات الجنسية بطريقة حلال ولكن ايضا الجواز دا زي متقول هو الطبيعة وهو الاصل وبيحل مشكلة الحرمان العاطفي
الواحد مش بس عاوز يتكيف ... الواحد عاوز يحب ويتحب
وبرضو الجواز مش زي ما انيس منصور مصورو على انه مسؤلية ووجع دماغ وخدعة واكذوبة وشقاء
الجواز استقرار وغريزة اساسية

مهو العزاب نوعين
1- نوع شايف نفسة ومتكيف على الاخر وعامل دماغ حاوة ومستكفي ، النوع دا فعلا بيموت كلبا زي المثل ، وبيتمنى انه كان يوم اتجوز وحسه بقى فالدنيا ، الشاب مبيحسش بحاجته للاولاد غير بعد ما يكبر
2- نوع تاني مش بايده وعارف ربنا ونفسه يتجوز بس الحالة المادية مش تمام ، النوع دا غالبا ربنا بيسهلهاله وبيلاقي بنت الحلال

الواحد شاف كتير ... وانا لاحظت حاجة ان فعلا الطيبون للطيبات والخبيثون للخبيثات
واحد يرد يقول دا الشباب الصايع هما اللي بيرشقو فجوازات لوز وبنات امورة ، اقله استحالة واحد صايع يتجوز واحدة تكون محترمة وتفضل محترمة ، ومثل ما تدين تدان ، ولو تحريت فورق المحترمة دي هتلاقي الورق ناقص

انا شايف ان احسن حاجة للي عاوز يتجوز زيي انه يصبر ويستمتع بحرية العزوبية شوية والجواز مسيه ان شاء الله جاي

وربنا يوقفلنا ولاد الحلال

العنوسة

تسال اي راجل فالدنيا يقولك الحمد لله اني مش ست عشان مشلش الهم دا
الصراحة مشكلة كبير العنوسة دي وقلبي معاهم

البنت اللي بتعنس مش شرط تكون وحشة ، كتير قوي حلوين قعدو يتعززو عاوزين واحد مركز ولقطة يكون عريس فشخرة
ورفضو دا ودا
يجي بقى اللقطة يلاقيها بترفض يقول طب وانا ايه اللي يخليني اتقدم مدام هي بترفض
وممكن تكون احلى من الحلاوة وتعنس وبتحصل كتير

المشكلةفي اللي بتعنس ان المشكلة مش فاديها

بس لو فضلت ترفض لازم هتعنس

الوحشة بقى عاوز اقولها ان الوحاشة مش السبب نهائي وكل فولة وليها كيال
لكن خلي روحك حلوة

وفيه مزايا للعنوسة
1- المراة العانس انجح في حايتها العملية
2- مفيش مسؤولية
3-فلوسك كلها هتصرفيها عاللبس

ولكن تبقى المشكلة الرئيسية وهي نظرة المجتمع القاسية نحو المراة العانس

تاخر سن الزواج

عادي جدا انك تلاقي واحد عنده 40 سنة ولسة بيكون نفسه
او بيدور على عروسة
وعادي جدا تلاقي واحدة متجوزتش خالص

دي اكبر مشكلة اجتماعية ، اي شاب مش متجوز وفوق العشرين هو خطر على اللي حاواليه
بيبدأ يبص للعاهرات اللي ملو البلد بقو اكتر مالبني ادمين
يبدا يتحول لذئب ويغرغر بالبنات

المهم بيبقى قلق

والبنت المش متجوزة او معنسة هي كتلة كابة متحركة
الحل الصراحة مع الابهات ، يعني مش لازم الولد يكون نفسه لو تقدر تجوزه جوزه افتكر نفسك وانت فسنه

الواحد المفروض يتجوز كدا على سن البلوغ
امال بنبلغ ليه؟
مش عشان نتجوز؟

بس ان شاء الله محلولة

التعارف والتظبيط ع النت

يا سلاااام يوم ما بيخش الدي اس ال عند شاب من الشباب
يااااااااااااه
بيحس انو خلاص هيظبط حريم مصر كلها وان السما هتمطر بنات
يجي داخل ع الياهو وقاعد مرستق نفسه ..المهم مرة لولو ومرة شوشو المهم بتاع 10 بنات يطلعو ولاد فالاخر
بس فالنهاية بتطلعلو بنت
يقول اه بس هي دي
تقولو انا مالمنصورة ..وماله المنصورة كلها حلوين
المهم يتعرفو ويجو يتقابلو تطلع مش منصورة خالص

وتقوللو على فكرة اول مرة دخلت فيها النت فحياتي كانت يوم ماكلمتك
ودي اول مرة اكلم شاب
وليا صاحبة متجوزة قدي وعايشة اخر تمام
والجواز بصفة عامة استقرار
وهب تلاقيها جراك عالجواز وانت تقول لا دي عاوزة تصاحبني بس عشان انا شاب جامد وبتتفشخر بيا
هيهاااااااااااااااااااات
كل البنات اللي بتخش الشات عاوزة تتجوز

والولاد عاوزين تظبيط
من هنا ياتي الخلاف ... بس البنات غالبا بتكسب فالنهاية

العادة السرية حرام ام حلال؟

حرام طبعا ، كل شباب البلد بيسال السؤال دا سواء بيمارسها او لا
الدليل الاية :
وَالَّذِينَ هُمْ لِفُرُوجِهِمْ حَافِظُونَ* إِلَّا عَلَى أَزْوَاجِهِمْ أَوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ* فَمَنِ ابْتَغَى وَرَاءَ ذَلِكَ فَأُولَئِكَ هُمُ الْعَادُونَ

تفسيرها :

قال سبحانه وتعالى: فَمَنِ ابْتَغَى وَرَاءَ ذَلِكَ فَأُولَئِكَ هُمُ الْعَادُونَ أي فمن ابتغى سوى الزوجات وملك اليمين فأولئك هم المجاوزون إلى ما لا يحل لهم، وبهذه الآية استدل الإمام مالك رحمه الله على حرمة الاستمناء، فقد سئل عنه فتلا هذه الآية، وبمثل قوله قال الشافعي رحمه الله، واستدل بعض العلماء بهذه الآية أيضاً على تحريم نكاح المتعة، لأن الله عز وجل أمر بحفظ الفروج إلا من الزوجات وملك اليمين، والمتمتعة ليست زوجة.
والله أعلم.

المشكلة ان نسبة اللي بيمارسوها كبيرة جدا .. سواء ولاد او بنات .. سبب كدا النت والدش وتصرفات البنات وتاخر سن الزواج

اذا كان الواحد بيبلغ من سن 13 او 14 سنة والجواز حوالين 30 سنة

ال 15 سنة دول بيقضيهم ازاي ؟..فيلم ثقافي كان مركز على نقطة تاخر سن الزواج دي وهي 100 % صح

حاجة تانية ان الدعارة فمصر وصلت لمعدلات قياسية
بعض الشوارع فيها نسبة البني ادمين اقل من فتيات اليل ممكن لو مشيت لوحدك هناك تبقى غريب

وبالذات الصيف اللي فات كنت حاس ان البلد دي مش مصر..دي ممكن تكون ايطاليا في اسوا اوقاتها مثلا

طب التساؤل التاني هل العادة السرية مضرة صحيا؟
اخلاف هنا بقى ناس تقول انها غير ضارة وكثرتها هي اللي ضارة وناس تقول انها ضارة دائما لكن الاتفاق انها بتضر على المدى الطويل

في النهاية الحل في الزواج المبكر

الناس مش طايقة بعضها

فيه حاجة بقت ظاهرة جدا اليومين دول هي ان الشعب المصري مبقاش طايق نفسه
اي واحد خلقه ديق وماشي يخانق دبان وشه
كنا فالصيف بالنقول دا الحر
ف رمضان بنقول الدنيا صيام والناس عصبية
لكن الحكاية شكلها مستمرة والناس فالشوارع بتتخانق لاتفه الاسباب

المشكلة دي اساسها الزحمة
دا غير المواصلات حاليا تعيش ازحم عصورها

برضو غير ان الخلق ديق الناس بقت متشاءمة جدا وكئيبة

دي ظاهرة وليها اسباب كتير

يبقى التساؤل الناس مش طايقة بعضها ليه؟

ايه اكتر صفة تحب تكون فمراتك ؟

انا سالت ناس كتير السؤال دا وناس كتير طلعت بتفكر فيه .. بس انا قصدي صفة واحدة بس يعني تقولي كذا وبس او متبقاش كذا وبس

انا رايي مثلا انها تكون طيبة
الطيبة دي تحتها بقى يجي كل حاجة

اغرب بقى الردود اللي سمعتها
انها متبقاش زنانة ... !!! طيب يا عم هو انت هتتجوز دبانة ؟ هو ايه اللي مش زنانة يعني لو مبتزنش خلاص كدا تمام !! والله اليعيش ياما يشوف .... طب زززززززززززز

وتاني يقولك تبقى محتجاني ... اه يا رايق انت يا متدلع ... محتجاك هتتجوز دار ايتام؟؟ ما علينا

والتالت ..متكنش بتصوت... ايوة هو دا الكلام لان دلوقت نسبة البنات اللي بتصوت بقى عالي جدا لدرجة ان عدم التصويت اصبح ميزة
سبحان الله

الصراحة احسن ردود كانت تبقى متدينة ..وواحد كمان قال تحب اهله .. ووبرضو انها تكون من بيت محترم

وصدق رسول الله صلى الله عليه وسلم حين قال :

"تنكح المرأة لأربع ؛‏ لمالها، ولحسبها،
وجمالها ولدينها، فاظفر بذات الدين ‏ ‏تربت يداك"

ميرفت امين

ميرفت امين
اللي ميختلفش عليها اتنين

الصراحة من الناس القليلة اللي الرجالة ميختلفوش عليها ...
ميرفت امين دي منظومة
منظومة حلاوة

متهيالي مفيش شاب مر بمرحلة المراهقة من غير ما يحبها

دي ممكن تكون نموذج في الذوق والاخلاق برغم اللي عملتو فافلامها...يللا اهو اكل العيش