Saturday, January 19, 2008

ليلى حمادة ... ذوقي في البنات البنت دي

برغم انها عملت فحاياتها 17 فيلم بس لكن ليلى حمادة دي ممثلة امورة جدا
كانت لذيذة الله اعلم هي فين دلوقت

مش عارف ليه كل ما اشوف واحدة شبهها احبها
بحس انها بنوتة
حبتها وعمري ما بصيت على جسمها
وشها دا كان حلمي ولقيتو على الشاشة

يا ترى انت فين يا ليلى
اعتقد اني انا لوحدي بين شباب الوطن العربي اللي خدت بالي منها .. الكل مع ميرفت امين طبعا فالفترة دي

وحتى البنت اللي بحبها دلوقت شبهها جدا
هل انا بحب البنت دي ولا بحب شبيهة ليلى حمادة؟؟؟؟

ولا هو الانسان بيحب ستايل معين او فيه شكل بيجذبو فبيرحلو سواء كان في السينما او في الواقع؟

Saturday, January 12, 2008

الحب

اي شخص يعيش يبحث عن الحب
اي شخص يريد ان يحب ويتحب ويعيش الحب .. لان من اجمل المشاعر ان تشعر ان احد يهتم لامرك ويحبك

حالة الحب تعطي الانسان ثقة في النفس وسعادة ومن لا يحب يشعر بالنقص
والحب حالة متزايدة ان كانت من طرفين فكل شخص حين يشعر ان شخص اخر يحبه يزداد حبه له وبالعكس فتصبح علاقة متزايدة في القوة .. او بمعنى اخر الحب حالة من تراكم المشاعر الجميلة فوق بعض

يبحث الانسان رجل كان او امراة عن شخص اخر يحبه ويعشقه ويفضله دونا عن سائر البشر ...

قيل عن الحب انه اكذوبة ... نعم قد يكون صحيحا وذلك اني اعتقد من وجهة نظري الخاصة ان اي رجل قد يحب اي امراة اذا تواجدا في اي مكان
يعني الحب صدفة
نظرة متبادلة
ثم ابتسام
ثم اعتقاد متبادل بالحب فيصبح الحب حقيقة
اذن فالبداية بنظرة خالية من الحب تنتهي بالحب
نعم قد يكون الحب اكذوبة
لكن اجمل اكذوبة

ان لم تكن تحب ابحث عن الحب وسوف تجده ...
وان كنت تحب فاستمتع باسعد اوقات حياتك

Friday, January 11, 2008

الفراغ العاطفي

اي انسان بحاجة للشعور بان شخص ما يحبه وعدم الاحساس بذلك هو فراغ عاطفي
سيبك من حب الاب والام والوطن دي مش عواطف
الانسان محتاج يحس ان حد بيحبه ومنجذب ليه

ودي نقطة ضعف البنات اللي بيلعب عليها الذئاب من الاولاد
ونقطة ضعف برضو عند الولاد المسهوكة وكتير بنات برضو مستذءبة بتلعب بالولاد

فلكل شاب ولوك فتاة احذروا من اللعب بالعواطف

من حققك تحب وتتحب ولكن متلعبش بعواطف الناس

وفعلا الحب ده اجمل عاطفة واساسي للصحة النفسية للانسان

الخوف من الارتباط

الخوف من الرتباط شعور وارد جدا عند الرجالة بالذات عندما يفكر الرجل ان الجواز زي البطيخة ودا حقيقي
هي مرة واحدة يا صابت يا خابت
وبالتالي برضو عند بعض البنات

انا شايف ان الشعور بالخوف ناحية الزواج دا شعور طبيعي
لكن بالتفكير القليل انا فرايي ان كل الناس متساوية فعيوبها ومزاياها بس بنتعامل كبشر بنحب وبنكره بعض على حسب قدرتنا على تحمل العيوب وقدر حبنا للمزايا
يعني مثلا انا ممكن احب واحدة كدابة بس دمها خفيف
واحد تاني ممكن يخب رخمة بس اياك تكون بتكدب وهكذا

يعني مالاخر البطيخة حلوة مرة هتتاكل مش فارقة كتير ، بس لما الواحد ييجي بتجوز لازم يفكر كويس
انت هتندم هتندم لا محالة انك اتجوزت بس لازم وقت ما تندم تفتكر انك اخترت الست دي بالذات وقراراك دا طالع منك
ومنك لوحدك

انا اذا كنت خايف مالمسؤولية فدية مش مشكلة دلوقت لما تكبر شوية حتحس انك عاوز تشيل مسؤلية

الف ليلة وليلة

صحيح اللي الف الاغنية دي كان بيحب
وبيحب اوي كمان
اغنية مزاجها عالي مولا

اي حد بيحب فعلا هيتكيف مالاغنية دي
وبالذات الحتة بتاعة
وان قالو عن عشاقو .. بيدوبو فنار اشواقو
اهي نارو دي جنتنا ....
المشكلة اني بحب لكن مش عاوز احب
انا واقع بشوشتي
بس مش قضية خوف مالارتباط
القضية هي اني مش عاوز ارتبط بواحدة وفالاخر ماتجوزهاش
نفرض حصل اي حاجة ومتجوزتهاش .. هفضل فاكرها اكيد

يعني انا مقرر فقرارة نفسي اني محبش ولا اقول لواحدة بحبك غير لما اكتب عليها
يعني محبش غير مراتي

Wednesday, January 2, 2008

كلمتها انهارده

بحب فيها بقالي سنة
زميلة معايا في الدفعة
بقالي سنة ببصلها
وانهاردا كلتمها اخيرا ...وليس باخر

مش انا اخر البوست اللي فات بتاع انا مش عاوز اتجوز قلتلكو انا حاسس اني هرجع في كلامي

ولم تكتمل 24 ساعة
واعلن اشتعال رماد الحب في قلبي

انا عاوز اتجوز

Tuesday, January 1, 2008

انا مش عاوز اتجوز

انا زهقت...
بلا جواز بلا قرف
احنا ذلين نفسنا ليه
كل ده عشان ايه؟؟
عشان حبة حنان .. طب ما مصر ام الحنان
هي مراتي هتكون احن عليا من مصر
عشان العاطفة ... انا قلبي مليان بحب الناس
عشان اشباع الرغبات الدنيئة ... العب رياضة ومالو دا انا حتى صحتي تتحسن وهفك مالحوالاات الفاشلة بتاعة الحب والكلام الخايب

انا معرفش حد متجوز ومبسوط
ولا اعرف واحد بيحب ومستريح
الحب جميل اه بس فيه غيرة وخناقات دا غير الفلوس يا معلم

الغريزة فقط هي اللي بتخلي الواحد يحب ويدلدق ويتجوز
بشوية صبر واصرار الواحد ممكن يتغلب على الذل ده
البنات ذلوني الفترة اللي فاتت من عمري

لكن لحد كدا وكفاية
طوظ
طوظ
طوظ
فكل البنات
مش عارف حاسس برضو اني هرجع واتذل تاني
لاني ياما قلت كدا ورجعت
بس المرادي انا بديت اشغل فكري بحجات تانية زي الرياضة والتمثيل مثلا
والايام هتوريني